عاشقه آل ائيلير ، هر باخيشيندا

عشولي ، غمزه لي ، آلا گؤزلرين

او سوزگون باخيشدا، بيلميرم نه وار؟

گتيرير حاسيزي ، حالا گؤزلرين

 

روحومو او آجي باخيشلار سيخيب

خومار نرگيزلرين  اره نلر   ييخيب

قورخورام بوسقودان قارتال تك چيخيب

گؤيرچين  قلبيمي، چالا گؤزلرين

 

آجي باخماغيندا ، شيريندير منه

سنسن ياراشيقلي ، ائله ، وطنه

حسرتله گؤز آلتي ، باخاندا سنه

هاندادير ، جانيمي آلا گؤزلرين

 

سنسيز اؤره ك  نئجه دؤزر ، دايانار؟

اود توتار  وجودوم شام تكين يانار

نفسيم كسيلر ، قلبيم دايانار

اگر مني گؤزدن سالا  گؤزلرين

 

شيدانـي بير عؤمور ، ائيله دين ناكام

اولمادي اؤره يي   بير لحظه آرام

ايسته رم  خدادان  هر سحر-آخشام

منيم تك حسرتده ، قالا گؤزلرين

 

استاد یحیی شیدا