بایاتیلار
بو يئرده گولن اولسا،
تريمي سيلن اولسا،
قارداشليق گوزل شيئدير
قدريني بيلن اولسا
بير قوش گلير آغداشدان
خبر ورين قارداشدان
قارداش باجي دان دويسا،
باجي دويماز قارداشدان.
هر ائوده آچيلار قيزيل گول كيمين
عطريني باهاردان آلار باجيلار
آنالار دونيادان كوچ ائدن زامان
قارداشا بير آنا اولار باجيلار...
يار گول تاخيب تلينه
الين ووروب الينه
قوي ساغ اولسون قايناتا
حورمت الر گلينه.
آلماني آلما گلين!
آل يئره سالما گلين،
ائوده سوز – سوز چوخ اولار
اورگينه سالما گلين.
دايي ، دايي ، جان دايي،
جان سنه قوربان دايي
آنام پيلو پيشيريپ
گل بيزه مهمان دايي.
يئزنه يئزنه جان يئزنه،
گل بيزه مهمان يئزنه
كوچون داغدان گلنده،
بير قوزو قوربان، يئزنه.
قارشيميزدا بو دوران،
بو زامانا،بو دوران
گلين قدريني بيلك
دوشمز اله بو دووران.
بالام گلير ياتماغا،
بويويوب بوي آتماغا
صاباح يوخوسي شيرين
قييميرام اوياتماغا.
باياتيلار
بیرعده سئوه ر جهاندا سئیر چمنی