خاقانی/ناجنس آدام

Ey Xaqani, pis rəhbərdən ehtiyat et, qorx ondan!

Rəhbər əgər pis olarsa, yol duz olmaz hec zaman.

Bir nanəcib səndən otru iftixarla gorsə iş,

Sənin fəxrin ara donər, o iş verər min ziyan.

Nacins adam sənin yaxşı əməlini pis edər,

Sənin yaxşı sozlərinlə yaxşı olmaz o nadan

 

Səni axır oz halına salar nacins adamlar,

Zər qurşunla oturarsa, rəngində tapar noqsan.

Əgər qızıl civə ilə ağarırsa, Xaqani!

Od icinə salınanda olur necə, gor, əlvan.

 

 

اي خاقاني ،پيس رهبردن احتياط ائت قؤرخ اوندان

رهبر اگر پيس اولارسا، يول دؤز اولماز هئچ زامان

بير نانجيب سندن اوتورو ،ايفتيخارلا گؤرسه ايش

سنين فخرين آرا دؤنر، او ايش وئرر مين زيان

ناجينس آدام سنين ياخشي عمليني پيس ائدر

سنين ياخشي سؤزلرينله ،ياخشي اولماز او نادان

سني آخير اؤز حالينه سالار ناجينس آداملار

زر قورشونلا  اؤتوررسه ،رنگينده تاپار نوقصان

اگر گيزلي جيوه ايله آغاريرسا ،خاقاني

اؤد ايچينه ساليناندا اؤلور نئجه گؤر الوان

 

 

خاقاني

هوشنگ جعفری/آراز اینجئیب

 

شله لرآلتيندا بوكولوب بئللر

ظلمت پنجه سينده سيخيليب ائللر 

سازلاري توزباسيب قيريليب تئللر

سازايندي نه چالسين ؟نه سازاينجئيب

تپيليب قولاغلار يومولوب گوزلر

بوش يئره سوورولوربوش يئره  سوزلر

او.كاردان. بوكوردان كيم اميد گوزلر ؟

هاراي سسله مكدن بوقاز اينجيئب 

آلنيني داغلايئر پينه باغلاسين

خلوتده اوينايئر اوزده آغلاسين

شرفين آياقلير بئقين ياغلاسين

بوآلاسققلدن ناماز اينجيئب 

نه الده توتوم وارنه ديزده داياق

يوك باسير بئليندن تيتره يئر آياق

بير كيشي گورمورم قديمكي ساياق

اوتايدان بوتايدان آراز اينجيئب   

بايئندير نصبدن بونه نسيلدي

اوميدلر سيزيئدي اودا .كسيلدي

نرله ري باسديلار لوك لر ازيلدي

كوپانسيز كوششكدن جاهاز اينجيئب 

بيرفقط شاعيئردي سوزونو يازير

ائله بيل اينه ينن قويونو قازير

گاه چاشير يولوندان گاه ايتير آزير

نه قيشدا پايئزدا نه ياز اينجيئب

قان سوران . سورماقدان . بيرمگردويور

پام ميقلاباش كسير.  دريني سويور

دوزيولون بناسين ائيريدن قويور

ناتاراز اليندن تارازاينجيئب  

 

هوشنگ جعفري

آتالارسؤزو

 

*/ علي سي دلي، ولي سي دلي، قيرغين قيرميشين هامي سي دلي.

*/ اللي ايلين ائششيينه دييرمانين يولون اويره دير.

*/ اللي ياشيندا دانا، ايندي دوشوب ميدانا.

*/ اري دويموش آروادي ايت ده توتدو بير يان دان.

*/ اريك آغاجين دان ساز اولماز، گل زورنا دان خبر آل.

*/ اريك باغين يوخدو كي، بيله سن سيغيرچين نئجه قوشدو.

*/ اصيل سيز سؤز صاحبينه اوز قاراسي گتيرر.

*/ اسكي دوشمان دوست اولماز، اسكي دوست دوشمان اولماز.

*/ اسكي سوپورگني داما آتارلار.

*/ اتين ياخشي سين قصاب آخيرا ساخلار.

 

 

آتالارسؤزو

سیدابوالقاسم نباتی/مست اولدوم

ايشيم، پئشم اود يا نديرماق،

قريب آتش پرست اولدوم!

ايچديم سودو، چكديم بنگي،

عجايب شيري-مست اولدوم!

قوي الدن جامي-شرابي،

آت گئتسين چنگو روبابي،

تئز اول، چك شيشه كبابي،

من كي، مستي-الست اولدوم.

كئچديم تامامي-عالمدن،

سولئيمان ايله ختا مدن،

گويا دئييلديم آدم دن،

بير حباب ايديم، پست اولدوم.

مرهبا كمانا، شسته، بير تيره،

دوققوز فلكلري تيكديم بير-بيره،

روستمي-دستاني ائتديم بير-بيره،

گؤر نئجه قريبه زبردست اولدوم.

شيكار ايستر ايكن، دامه دوشدوم من،

بير سياه مست اولوب جامه دوشدوم من،

نباتي، صوبح ايكن شامه دوشدوم من،

بير افعي ايلانا پاي بست اولدوم.

 

سيدابوالقاسم نباتي