عشق کمندی ... !!!

او قارا زولف کی هردم دولاشیر شانه لره

گوستریر عشق کمندین دل دیوانه لره

مهر رخسارینی مندن کسوب اول ماه تمام

دوشدی فرصت یئنه بوندان بئله بیگانه لره

یوخسا ائی گول بوقده ر باده ناب ایچمزیدیم

شوق لعلین منی جلب ائیله دی مئیخانه لره

قانا دونسون گوروم او باده گولگون سنسیز

بیرده گر رغبت ائدیم ساغر وپیمانه لره

حسرت چشم خمارین لب لعلین هوسی

گوستریر گوشه مئیخانه نی مستانه لره

شوق رخسارین ایله اودلارا یانمیش کونلوم

اویره دوب  شمعده یانماقلیغی پروانه لره

جورین آز ائت منه قورخوم بودو بیر آه چکیم

بیر یانا اود دوشه باشدان-باشا کاشانه لره

واحدم شاعر آزاده پرستم نه غمـــــــیم

قیلماسام رغبت اگر مسجده بتخانه لره

تورکون دیلی ...

تورکون دیلی تک سئوگلی ایستکلی دیل اولماز
ئوزگه دیله قاتسان , بو اصیل دیل, اصیل اولماز

ئوز شعرینی فارسا- عربه قاتماسا شاعر
شعری اوخویانلار. ائشیدنلر کسیل اولماز

فارس شاعری چوخ سوزلرینی بیزدن آپارمیش
صابر کیمی بیر سفره لی شاعیر, پخیل اولماز

تورکون مثلی فولکلوری دنیادا تک دیر
خان یورقانی, کند ایچره مثل دیر, میتیل اولماز

آذر قوشونی, قیصر رومی اسیر ائتمیش
کسری سوزودیر بیر بئله تاریخ ناغیل اولماز

پیشمیش کیمی, شعرین ده گرگ داد" دوزی اولسون
کند اهلی بیلرلرکی   دوشابسیز خشیل اولماز

سوزلرده جواهر کیمی دیر,اصلی بدلدن
تشخیص وئرن اولسا بو قده ر زیر- زیبیل اولماز

شاعیر اولا بیلمزسن, آنان دوغماسا شاعیر
مس سن, آبالام هر سارای کوینک قیزیل اولماز

چوخ قیسا بوی اولسان اولوسان جین کیمی شیطان
چوخ دا اوزون اولما که اوزوندا عقیل اولماز

مندن ده نه ظالم چیخار,اوغلوم, نه قصاص چی
بیر دفعه بونی قان کی ایپکدن قیزیل اولماز

آزاد قوی اوغول عشقی طبیعتده بولونسون
داغ , داشدا دوغولموش ده لی جیران حمیل اولماز

اینسان اودی توتسون بو ذلیل خلقین الیندن
آلاهی سورسن , بئله اینسان ذلیل اولماز

چوق داکی سرابون سویی وار یاغ- بالی واردیر
باش عرشه ده چاتدیرسا , سراب اردبیل اولماز

میلت غمی اولسا , بو جوجوقلار چوپه دونمز
اربابلار یمیزدان قارینلار طبیل اولماز

دوز واختا دولار تاختا, طاباق ادویه ایله
اوندا کی ننه م سانجیلانارزنجفیل اولماز

بو شهریار ین طبعی کیمی چیممه لی چشمه
کوثر اولا بیلسه دئمیرم , سلسبیل اولماز

ائی ییخان کونلوم ائوین... !!!

ائی ییخان کونلوم ائوین، قیل حذر افغانیمدان!

ائوین آباد اولا، ال چک دیلی ویرانیمدان

 

منی مجنون ایله فرهاده برابر توتما

من اولاردان دا هنرلر کئچنم جانیمدان



بیرجه گل گور نه جفالار چکیرم زولفوندن

خبرین یوخدو سنین، حالی پریشانیمدان



طعن ائدیر ائل منه :یارین نه وفاسیز چیخدی؟

ای وفاسیز، دئمیرم من بونو اوز یانیمدان



سانکی باشدان-باشا بیر شعله ئ-عشقم گئجه لر

شمع لر اودلانیر آهئ- دیلی-سوزانیمدان



نئیلرم من گولو، یا لاله نی انصافیم وار

اونلارین هانسی گوزلدیر رخ جانانیمدان!



واحیدم، عصریمیزین ایندیکی فرهادی منم

کیم منی آیری سالار خسروئ خوبانیمدان

دولانیب روزگارین حالتی بیر اوزگه حالا

فلیین بیر بئله دؤورو اولاجاغمش، نه بیلیم؟
سارالیب، باغ و گولوستان سولاجاغمش، نه بیلیم؟

بیتیریب، باغ سالیب، بیر نئچه گوللر یئتیردیم،
اوزادیب دست قضا کیم یولاجاغمش، نه بیلیم؟

اورییم یاره لنیب، سینه مه داغلار چکیلیب،
گؤزومه قان ساغیلیب، یاش دولاجاغمش، نه بیلیم؟

ال چکیب ناکسدن، چرخ اؤزو ناکسیمیش،
تک بانا جور و جفالار قیلاجاغمش، نه بیلیم؟

بسلدیم زلفو، دئدیم، باشیما سالسین سایه،
دولانیب بوینا ایلان تک چالاجاغمش، نه بیلیم؟

عاشیقه ناز ائله مک عادت اولوب معشوقه،
بو قدر ناز ائله ییب جان آلاجاغمش، نه بیلیم؟

سلطنت رتبه سینه ناز قیلاردیم شاه ایکن،
منی باشدان-آیاغا غم ساراجاغمش، نه بیلیم؟

دولانیب روزگارین حالتی بیر اؤزگه حالا،
ای قاراداغی، سانا غم قالاجاغمش، نه بیلیم؟

سهندیه /شهریار

شاه داغیم ،

چال پاپاغیم ،

ائل دایاغیم ،

شانلی سهندیم

باشی طوفانلی سهندیم

باشدا حیدر بابا تک قارلا قیروولا قاریشیب سان

سون ایپک تئللی بولودلارلا افقده ساریشیب سان

ساواشارکن باریشیب سان

گویدن الهام آلالی سرری سماواته دئیه رسن

هله آغ کورکی بورون ، یازدا یاشیل دون دا گئیه رسن

قورادان حالوا یئیه رسن

دوشلرونده صونالار سینه سی تک شوخ ممه لرده

نه شیرین چشمه لرین وار

اویاشیل تئللری ، یئل هورمه ده آینالی سحرده

عشوه لی ائشمه لرین وار

قوی یاغیش یاغسادا یا غسین

سئل اولوب آخسادا آخسین

یانلاروندا دره لر وار

برای خواندان ادامه شعر به ادامه مطلب مراجعه کنید

ادامه نوشته

موسیقی

موسیقی نشئه سی مین سوگیلی جانانه ده یر

اثر ناله نی٬ عارف ایچون جانه ده یر

موسیقی اهلینه انصاف ایله قیمت قویماق

لحن داود ایله٬ مین تخت سلیمانه ده یر

بیخبرلر نه بیلیر لهجه خواننده نه دیر

اهل حال اولسا ، بو سؤز قدرده میلیونا ده یر

پرده غم داغیدیر تاره ده ینده میضراب

طره دلبره هردم نئجه کی شانه ده یر

موسیقیله اولار هر خسته یه عالمده علاج

بو طبابت نئچه مین چاره لوقمانه ده یر

بیزه بو علم حرام اولموش ایدی کئچمیشده

یعنی شیطان ایشی دیر ، رخنه سی ایمانه ده یر

یاشاسین قرمزی شهرتلی وطن قانونی

بوسخاوت نئچه مین حاتم دورانه ده یر

قیلدی هر یئرده بنا موسیقی مکتب لرینی

نغمه نین فایده سی ایندی هر انسانه ده یر

خلقیمیز موسیقی علمین اوخویور مین لرجه

ئولکه میزچون بو شرف مهر درخشانه ده یر

موسیقیله منی دفن ایله سه لر واحد اگر

قبریمین تورپاغی مین روضه رضوانه ده یر

کونول

اویما هر زولفی قارا، سئوگیلی جانانه، کونول

بو وفاسیزلار ائدرلر سنی دیوانه، کونول

مومکون اولدوقجا چالیش یانمایاسان عشق اؤدونا         
شمع ‌دن گورنه چکیر هر گئجه پروانه، کونول      

سن هله عشق کمندینده اسیر اولمامیسان
اویما مجنون کیمی هرزولفي پریشانه کونول

گولده اولسایدی وفا، خاریله یار اولمازیدی
بولبولون آهی یاییلمازدی گولوستانه، کونول

آشينا اولماق عبث دیر بو پری چوهره‌ لره
یئنه بیرگون اولاجاق‌لار سنه بیگانه، کونول

سئودیین اؤلسا زولیخای زامان، سن یوسیف           
فکرائدیب سالدیراجاق‌دیرسنی زيندانه، کونول

واحید ین عومرو بوتون نازلی گوزل ‌لرله گئچیب
بو حقیقت سوزو ظن ائیله‌ مه افسانه، کونول

اود پارچاسی

اود پارچاسیام  کئچمه منیم هنده وریمدن

یوخسا یاناسان شعله آه سحریمدن

نور داملاسی قان تک داماجاق هر داماریمدان

بیرکولگه کیمی کئچسه خیالین نظریمدن

کس باشیمی آل جانیمی توک قانیمی قورتار

باش گئتسه گوروم قورتارارام  درد سریمدن؟!

جانیم جیگریم یاندی کباب اولدی او گونکی

دوشدوم اوزاق عشوه ساتان   جان " جیگریمدن

سوسپمه دی بیرکس بویانان اودلارا  ایوای!

غرق اولدی امل زورقی اشک بصریمدن

آچسام گیلئین بوقچاسینی  عالمی چولقار

سن شرح مفصل اوخی بو مختصریمدن

بوندان سورا  اوچماق منه  رویا لره اوخشار

صیاد قضا ائیله کی اوخ ووردی پریمدن

علم وهنریم وزر و وبال اولسا قوی اولسون

شاید گوتوره بهره ائلیم  بو هنریمدن

یازدیم چوخ اثر عومرو بو  سوداده توکتدیم

تا خلقیمه تاثیر یارانسین اثریمدن

استاد یحیی شیدا

سئوز بوقچاسی

آزادلیقی هریاندا آراشدیم " دیله دیم من

هجرینده اوغولسوز آنالار تک مه له دیم من

قوربان ائله دیم جانیمی " هربیر قدمینده

یوللار بویو حسرت گوزومو سورمه له دیم من

گول تک اوزونه قونمایا یول لار توزو  دائم

گوز یاشیمی نئیسان یاغیشی تک اله دیم من

بیرآی کیمی سئونمز ایشیق آلدیم ائوز ائلیمدن

آفاقه صفا بخش ائله دیم " نور چیله دیم من

شاهدسن ائوزون بو سئوزه ای شانلی دیاریم

هرخدمت الیمدن کی گلیرمیش ائله دیم من

سئوز مشتریمی تاپمادیم افسوس بو زماندا

یازدیقلاریمی بوقچایا بوکدوم بله دیم من

گرقافیه بوعرصه ده تنگ اولسا " قوی اولسون

ائوز فیکریمی بو شعریده آیدین سئوله دیم من

شیدا یه دئدیم دایره عشقیده گزمه

رسوای جهان اولدو نه یئرسیز له له دیم من؟

استاد یحیی شیدا

هیجرینده کمان تک ... !!!

گل گل دیه هیجرینده کمان تک مه لدیم من

بیر عومری سنین عشقینه قوربان الدیم من

آسوده طیفلیدیم نه غمیم واردی نه دردیم

دردیمله سنین گوزلرینی سورمه لدیم

حسیم منه گل گل ددی عقلیم ددی گت گت

بوقانلی دویوشده منه ایمداد الدیم من

عشقیمده قاتیب جور منیم باشیما هرگون

بیر عشقین اوجوندان نقدر طعنه ادیم من

اوز حس سینی دوستاق ایلیه ن بختیار اولماز

اوز عشقیمه اوز کونلومی زیندان الدیم من

 

Könül Xasıyeva

باشقا بیر سحیر وار بو سسده دیلده

خیال جانا گلیر کونول اوخویور

ایله بیر سازاقلی بیر قیش گونونده

بوزو دلیب دشن ترگول اوخویور                        کونول اوخویور

سوینیر بو مجلیس محبت گولور

نور ساچان چراغلا سعادت گولور

بیر پوهره بوداغلا طبیعت گولور

عاشیق فراقیندا بولبول اوخویور                       کونول اوخویور

جاهیل یوخوسوندان آییلا بیلر

عاریف باشا دوشور  اوقانابیلر

آدامین اوره یی دایانا بیلر

بیرجه سببی وار کونول اوخویور                      کونول اوخویور

 

یا منیم جانیمی آلسین یادا آزاد ایله سین

نه اولار او یار منی  بیر جه دفه یاد ایله سین

بو سینیق کونلومی عالمده دفی شاد ایله سین

ایله سین گول یاناغیندان منه بیر بوسه عطا

وارلینین بورجی بودور یوقسوللارا  ایمداد ایله سین

دائمی زولفونده اسیرم نچه مدت دیر اونون

یا منیم جانیمی آلسین یادا آزاد ایله سین

جانسیزام عابده  بیردم منه ورسین دیریلیم

یا منیم جانیمی آلسین یادا آزاد ایله سین

ماییلا سن کیمی چوخلار هوس ایلر غزله

هرکسین کاری دئیر کی غزل ایجاد ایله سین

 مایل