باشقا بیر سحیر وار بو سسده دیلده

خیال جانا گلیر کونول اوخویور

ایله بیر سازاقلی بیر قیش گونونده

بوزو دلیب دشن ترگول اوخویور                        کونول اوخویور

سوینیر بو مجلیس محبت گولور

نور ساچان چراغلا سعادت گولور

بیر پوهره بوداغلا طبیعت گولور

عاشیق فراقیندا بولبول اوخویور                       کونول اوخویور

جاهیل یوخوسوندان آییلا بیلر

عاریف باشا دوشور  اوقانابیلر

آدامین اوره یی دایانا بیلر

بیرجه سببی وار کونول اوخویور                      کونول اوخویور