ساری کوینک ...

ای خسته قوش اواره گزیرسن بو دیاری

زنداندی قفسدی چمنی،باغی،باهاری

گوزله اوزووی اوچی دی هریانی بو یوردون

قوزغون کیمی دورت گوزلو گزیر کورپه شکاری

فرصت دالی سینجا گزیر ال یئری تاپسا

ویران قویاجاقیوردونی ای کوینکی ساری

تیک اوز یووانی قویما سنه ال تاپا اوچی

سن بو یووانئن صاحیبی سن،قان یئنه باری

جهد ائیله کی،جان قورتاراسان اوچی الیندن

دوشسن تورا،فریاد ائلمه،چک بو فشاری

گولشنده کی یوخ ذوق وصفا ای ساری کوینک

قاچ قاچ بو یئرین زهرلی دیر دارو نداری

دیللنسن اگر،اوچی ائده ر قانئنا غلتان

اوچسان آ یازئق!تیر جفا قلبینی یاری

مین فئرتانا قالخئب،دوگه جک،باشئنا طوفان

هر کیمده اولا،داغ کیمی دونیادا ووقاری

گلسه نه قده ر دردو بلا ،داغ کیمی دور باخ

ایدین دی بو سوز"توستو گئده ر گوچکه ساری"

ایستر سنی صیاد اوزونه رام ائده امما

اویغودا گوره ر،اج تویوق البتده کی داری

بو یاخشی مثل دیر کی بیزیم ائلده دئمیشلر:

بیر باخ اشاغا ،باخما اوزونده ن ده یوخاری

غم غصه کیچیک قلبینی گر دوگسه سئخئلما

بو گونده کئچر،اخیری،غملرده قوتاری

اوندا کی چئخارگون،یاییلار عالمه بیرده ن

اوندا کی قارادان یئری ،صبح اولجاق اغاری

داغی-داشی اسوده خیالیله گزه رسن

گولشنده نه شاختا گوره سن،داغدا نه قاری

ظولمون ائوی ویران اولو ،ظالیم دوشه ر الدن

قان دورماز اگر کسسه پئچاق قئرسا داماری

بختین قاپوسی ایندی قئفئلانسا دارئخما!

هر بیر قئفئلئن واردی طبیعتده اچاری

اوز جانوویلن اویناما بو عرصه ده "شیدا"

لیلاج دغلبازیله قئزدئر ما قوماری

شان دا وار ...

هر در دینه قالان کسده درمان اولا چتیندی

هر اوخویان عالیم اولان ، لقمان اولان چتیندی

هر ایاق اوسته یئرییه ن انسان اولا چتیندی

بو دونیا نین قوجاغیندا ، جسدده وار ، جان دا وار

 

دوغرو یولدا گزسن اگر شهرت ده وار ، شان دا  وار

دوغرو یولدان آزسان اگر ، قادا دا وار ، قان دا وار

آتالار گوزه ل دئییب کی ، حاق نزیله ر اوزوامه ز

گئج ائیلییه ر ، گوج ائیلییه ر حاق دا  وار ، دیوان دا وار

 

وطن اوغلو  خوش سوزلره خوش اویاجاق دونیادا

گاه سئوینجی ، گاه کده ری داشییاجاق دونیادا

نقده ر کی بنی انسان یاشییاجاق دونیادا

ناداندا وار ، قانان دا وار ، گدا دا وار ، خان دا وار

بیر نفر اهل وفا مین بیوفادن یاخشیدر..

بیر نفر اهل وفا مین بیوفادن یاخشیدر

بیر صداقت اهلی مین اهل ریادن یاخشیدر

 هانسی گولدور حسنده سندن گوزلیدر،سوگیلیم؟

 هانسی بلبل عشقده من بینوادن یاخشیدر؟
 
 قاشلارین چرخین هلالیندن ،اوزین خورشیددن

صورتین آیینه گیتی نمادن یاخشیدر 
  
 بیرداها خالین گوزه للیک آرتیریر روخسارینه

 بیر غلط سوزدور دئمشیلر ،آغ قارادان یاخشیدر 
 
  گوزلرین صحرای چین آهولریندن دیلفریب

عنبرین گیسولرین مشک خطادن یاخشیدر
 
 صحتی بیمار ،عشقین کعبهء کوینده دیر

 اهل درده خاک راهین توتیادن یاخشیدر
 
 مین بلا طوفان قوپسا ،ذره گلمه ز عینیمه

رخنه گورمز هربنا کیم ابتدادن یاخشیدر
 
 جاهله تبلیغ عرفان ایله ملک آسان دگیل

دیدهء خفاش ایچون ظلمت ضیادن یاخشیدر
 
  واحید،انصافأ دئسین تبریز ده دوستوم اعتماد

 گنجلرده هانسی شاعر بیر یادن یاخشیدر

 

هر گونين ئوز قصه سه واردیر

هر عاشق اولان عشقه گرفتار اولابيلمز

هـــر خورما ساتان ميــثم تمار اولابيلمز

مخـلوق خداوند اوزونه اولميان عاشيق

حــق عاشقه تک صاحب ايثار اولابيلمز

دونيـــا مالینا شـهرتينه وورقون اولانلار

ایــنفاق ايله مز  طالب ديدار اولابيلمز

ماءموره اگررشوه يماخ اولماسا عادت

مظلوملارين قانینی ظالیم سورا بيلمز

مــــيمون تكين هر سوزه تقليد ايلينلر

انديشـــــه اديب صاحب افكار اولابیلمز

صابر يمه غم هر گونين ئوز قصه سه واردیر

مفــــــراق پاراسی گوهر شهوار اولابيلمز

ناوک شوقین!!!

ای ناوک شوقین سپر سینه-ئی احباب،
زلفون خـمی ارباب وفا قیدینه قلاب!

مـحرابده شکل خـم ابروی لطیفین،
واجب بو جهتدن قامویا سجدئی مـحراب.

سوزیم دئردم شـمع سانا ایله یه روشن،
نظارئی رخسارینا یوخ شـمعده هم تاب.

خورشید جـمالیندان اول آی سالدی نقابین،
صبح اولدی،دورای بـخت،ندیرمونـجا شکرخواب؟

ساقی مگر اول لعل سؤزون دئر میلعله
کیم، دوشدی ایاغینه، الین اؤپدو مئی ناب؟

دون صبح یئتیردیم فلکه موج سرشـکیم،
غرق ائتدی فلک اوزره اولان انـجمو گرداب.

جـمعیت اسبابه کؤنول وئرمه، فضولی
کیم، تفرقه دیر خاطره جـمعیت اسباب.

دونیا گلستان اولا جاخ ...

انتظار اهلی دیور دونیا گلستان اولا جا خ

اءسه جاخ باد صبا عازم بستان اولا جاخ

شورلن شدت لن قاینیه جاخ حق بولاغی

باغ وبستان گل آچیپ دامنی الوان اولا جاخ

گتریب مژده صبا یوسف دوران گله جاخ

سور وساطیله گایب وارد تهران اولا جاخ

سالاجاخ زلزله بو شهره بوتون ترپده جاخ

یخلیب کاخ ستم خاکیله یکسان اولاجاخ

گنه حلاج زمانه دوشه جاخ عشق اودونا

هی انا الحق چاغرییب منجی انسان اولاجاخ

گنه شمشیر عدالت دوشه جاخ حق النه

آتش قهر خدا اوندا نمایان اولا جاخ

وعده ی حق ده ضعیف لر آلاجاخ یر اوزونی

اقویا قالسا دا بیر گوشه ده پنهان اولاجاخ

یخیلب بت کده بت لر هامی بیردن سیناجاخ

ابراهیمین بالاسی صاحب فرمان اولاجاخ

آرزوم واردی گورم ظلم اوینین یانما سینین

ظالم آخرده گورم ظلمنه قوربان اولاجاخ

زولفون !!!

ای شوخ یئنه همدم اولوب کاکله زولفون
تحریض ائدیر اول کافری صید دله زولفون

دین و دلیمی غارت ائدیب ائیلمز انصاف
شیمدی نه تمنا ایله ائیلر گله زولفون؟

هر لحظه اورور سینه مه مین ناوک دلدوز
مژگانین ایله یوخسا ده ییب دیل – دیله زولفون؟

حیرتده یم، آیا کی، نه دیر فتنۀ  "هاروت"
ای شوخ، مگر سئحر اوخویوب  "بابل"ه زولفون؟

تنها سفر ائتمه، گل آپار جانیمی، اما
بو سری نهان ساخلا، مبادا بیله زولفون

آلداتدی کؤنول مرغنو اول دانۀ خالین
دام ره عقل اولدو او پر سلسله زولفون

صابر کیمی غرق اولدو گؤزوم یاشینه جسمیم
دوتموب الیمی چکمدی بیر ساحله زولفون

پری لر خط و خالین ...

ال چاتسا فدا جانیمی جانانه ائدردیم
شمع روخونه کؤنلومو پروانه ائدردیم

ای زاهد بی ذوق بو مسجید کی، سنین وار
اولسایدی منیم، من اونو میخانه ائدردیم

مینبر عوضی اوندا قویاردیم خوم باده
وقف اول خوم اوچون بیر نئچه پیمانه ائدردیم

بیر تاره دوزردیم نئچه یوز دانۀ انگور
آنی عوض صبحۀ صد دانه ائدردیم

مئی دن اؤتورو اکمک اوچون تاک یئرینده
هر یئرده کی، وار مدره سه ویرانه ائدردیم

دوشسیدی نهانی الیمه بچّۀ زاهد
هئچ اوندا بیلیرسنمی کی، آیا، نه ائدردیم

سیّد تک ائدیب وصف پری لر خط و خالین
بو وضع ایله عالم لری دیوانه ائدردیم

من بو جاهانه سیغمازام ...

منده سیغار ایکی جاهان، من بو جاهانه سیغمازام
گؤوهری لامکان منم، کؤونو مکانه سیغمازام

عرشله فرش و کافو نون منده بولوندو جومله چون
کس سؤزونو و ابسم اول، شرح و بیانه سیغمازام

کؤونو مکاندیر آیتیم، ذاتی دورور بیدایتیم
سن بو نیشانلا بیل منی، بیل کی، نیشانه سیغمازام

کیمسه گومانه ظن ایله اولمادی حق ایله بیلیش
حققی بیلن بیلیر کی، من ظنّو گومانه سیغمازام

صورته باخ و معنینی صورت ایچینده تانی کیم
جیسم ایله جان منم ولی، جیسم ایله جانه سیغمازام

هم صدفم، هم اینجییم، حشرو صیرات ادینجییم
بونجا قوماش و رخت ایله من بو دوکانه سیغمازام

گنجی- نیهان منم من اوش، عئینی- عیان منم، من اوش،
گؤوهری- کان منم من اوش، بحرو و کانه سیغمازام

گرچی موحیطی- اعظمم، آدیم آدامدیر، آدمم
دار ایله کونفکان منم، من بو مکانه سیغمازام

جان ایله هم جاهان منم، دهریله هم زامان منم
گؤر بو لطیفئیی کی من، دهرو زمانه سیغمازام

نجوم ایله فلک منم، وهی ایله هم ملک منم
چک دیلینی و ابسم اول من بو لیسانه سیغمازام

زرره منم، گونش منم، چار ایله پنجو شئش منم
صورتی گؤر بیان ایله، چونکی بیانه سیغمازام

ذات ایلیم صیفات ایله، قدر ایلیم برات ایله
گولشکرم نبات ایله، بسطه دهانه سیغمازام

نار منم، شجر منم، عرشه چیخان هجر منم
گؤر بو اودون زبانه سین، من بو زبانه سیغمازام

شمس منم، قمر منم، شهد منم، شکر منم
روحی- روان باغیشلارام، روحی- روانه سیغمازام

گرچی بو گون نسیمیم، هاشیمیم، قورئیشیم
بوندان اولودور آیتیم، آیت و شأنه سیغمازام

حذر قیل آه اودوندان

حذر قیل آه اودوندان، جؤورونو عشّاقه آز ائیله

خس و خاشاکی یاخما، شعله سین دن احتراز ائیله

صنملر سجده سیدیر بیزده طاعت، تانری چون، زاهید

کیمی گؤرسن سن اؤز دینین ده تکلیف نماز ائیله

حقیقت خطّینی یازماق دیلرسن لوح ذاتینده؟

خطین گلرخلرین منظور توت، مشق مجاز ائیله

صنم لر سنگ دللردیر، ائشیتمزلر سؤزو زاهید

یئتر بیهوده من تک اونلارا عرض نیاز ائیله

سنین نازین گؤرنده، عقل قالماز حسبتاٌ لله

آمان وئر عاشق دیداره، بیر دم ترک ناز ائیله

یولوندا انتظار مقدمینله خاک اولان چوخدور

خرام ائت بیر قدم، من خاکساری سرفراز ائیله

فضولی جانه تاپشیردین خیالین، ایندی رسواسان

سنه کیم دئیرکی هر نامحرمه، افشای راز ائیله

بیر مجلسده اون ایکی کیشی‌نین صحبتی ...

وکیل: حق‌سیزه حقلی دئییب بیر چوخ گناهه باتمیشام

حکیم: دردی تشخیص ائتمییوب، قوم- اقربا آغلاتمیشام

تاجر: من حلال‌ایله حرامی بیر- بیرینه قاتمیشام

روضه خوان: امتین پولین آلیب، من گوزلرین ایسلاتمیشام

درویش:نرده بولسام سوق آچیب مین مین یالان سوزساتمیشام

صوفی: روز و شب حق، حق دئییب، من هر کسی اویناتمیشام

ملانما: گونده بیر فتوا ایله، مخلوقی من آلداتمیشام

علم: قطع امید ائتمیشم، یک‌سر بو قومی آتمیشام

جهل: اورتادا کیف ائیلییوب، من هر مرامه چاتمیشام

شاعر: بولبوله، عشقه، گوله، دائر یالان فیرلاتمیشام

عوام: آنلامام هرگز، جهالت بسترینده یاتمیشام

غزئته‌چی: من جریده‌م دولماق ایچون مطلبی اوزاتمیشام

می یه باتمیش دوداغین !

مئیه باتمیش دوداغین گور نه گئتیردی باشیما

هوشومو باشدان آلیب سونرا گوونمه هوشوما

ائله سنسیزله‌میشم نانه‌یه بنزر اوره‌یم

گل تَلَس، گل عزیزیم، بیر باشا گیر آغوشوما

اؤز الینله بو جواهیر ائوینی باغلامیسان

باری اینصاف ائله سن گل بو لبی خاموشوما

قارا زولفون یوخودا سؤیله‌ییر افسانه منه

او دؤنوب صوبحه جن هم صوحبتیمه سیر داشیما

منم اول قومری کی صائیب او یاشیل سرو آغاجی

یارپاغیندان عبا تیکمیش کی گلیر چوخ خوشوما