هر در دینه قالان کسده درمان اولا چتیندی

هر اوخویان عالیم اولان ، لقمان اولان چتیندی

هر ایاق اوسته یئرییه ن انسان اولا چتیندی

بو دونیا نین قوجاغیندا ، جسدده وار ، جان دا وار

 

دوغرو یولدا گزسن اگر شهرت ده وار ، شان دا  وار

دوغرو یولدان آزسان اگر ، قادا دا وار ، قان دا وار

آتالار گوزه ل دئییب کی ، حاق نزیله ر اوزوامه ز

گئج ائیلییه ر ، گوج ائیلییه ر حاق دا  وار ، دیوان دا وار

 

وطن اوغلو  خوش سوزلره خوش اویاجاق دونیادا

گاه سئوینجی ، گاه کده ری داشییاجاق دونیادا

نقده ر کی بنی انسان یاشییاجاق دونیادا

ناداندا وار ، قانان دا وار ، گدا دا وار ، خان دا وار