زلالي مخلوط با شكر و هنر
در تـنگنـاي ايـن قـفس
باغريــم دؤنوبـدور قـانـه يـوخدور همنفس
عمرم بـه حسرت شد تـلف ، در ايـن ديــار بيـكسي
صبر ائيليرم تا كي يئتيشسين سون نفس
گــر تنگ باشد اين نفس
عمري شدم چشم انتظار
دوشدوم نفسدن گلمه دي نازلي نيگار
عهـدي ببستم در خفـا ، كــه، هرگــز آنــرا نشكنم
امّـا اوزولمـوش طـاقتيـم گئتـدي بـهــار
من مانـدم و دل، بي قرار.
سالك تبريزي
آباد اوي ويران ائيــلدي گئتدي او جانان
جانان كي گئديب كونلوم اوي قوي قالا ويران
او آيريلالي نازيله آلـدي مني مندن
ائتدي مني درويشي بو ويرانده سلطان
كونلوم نَقَدر وصليــنه چيرپيندي او يارين
او وصله قووشدي مني گور نئيله دي هيجران
هيجران اوتوني سالدي وجوديمدكي شمــــعه
پروانه سي يوخ عشقيده يانديم مني نادان
آند ايچميشيديخ سيريميزي بولمسين اغيـــار
اغياريله پايلاشدي اوزون سوگيلي جانان
قان ايچره بوراخدي مني درديمله طبيـــبيم
درمان ديله ديم ائيله دي اوز قانيما غلطان
بير گون منیــلنده باريشار طالعيـــــم اَلبت
واردي يقينيم دائما گئچمز بئله دوران
قوي ناز ائيلسين هر نَقَدر ائتسه طبيــــبيم
من درده آليشــديم منه لازيم دئيل درمان
( سالك ) گيلي ائتـــمه بيزه عالمده زاوال يوخ
درد چكسه ده شاعر بوقَدر ائيلمز افغان
ياريم بو قَدر جــور و جفا ائيلدي اما
جان ايستئسه مندن ائدرم جانيمي قوربان
سالك تبريزي
بیرعده سئوه ر جهاندا سئیر چمنی