حمیدسخامهر/ یوخدور

 

^{آواره او اوغلانديكي جانانه سي يوخــدور}

^{بيچاره ده اول قيزديكي ديوانه سي يوخدور}

^{قيز ائوده گوزو يولدا قاليب ائلچيني گوزلور}

^{اوغلانداكي ائولنمه گه كاشانه سي يوخدور}

^{يانديقجا توكور گوزياشيني صبحه كيمي شمع}

^{دورونده طــواف اتمه گه پروانه سي يوخـدور}

^{اوغلان گوروسن قيرخا چاتيب سنّي سوبايدير}

^{سن پوللي نشان وئركي حرمخانه سي يوخدور}

^{شاعيــــركي دئير نعره مســــــتانه چكن يوخ}

^{ويران اولا بو شـــهري كي ميخانه سي يوخدور}

^{بيلمير كي آدام كفله نيري ايچمه ميش ايندي}

^{از بســـكي اويوب نعره-ئي مستانه سي يوخدور}

^{ايله ايتيريبدير اوزونو خلق تاپانميـــــر}

^{بنزير پوزولان زولفــــولره شانه ســــــي يوخدور}

^{آنجاق نه دييم عشقه ده حسرت قاليب انسان}

^{بير قوش كيمي كي دنله مه گه دانه سي يوخدور}

^{آختارما سخا بوردا صفا ، چونكي بو شهرين}

^{مين مســــجدي وار بير دانا ميخانه سي يوخدور}

 

حميدسخامهر

حمیدسخامهر/سرگردان

 

عمر ياصددانه ده صرف اولدو ياپيمانه ده

باشماغيم مسجدده گئتدي  هوش باشيم ميخانه ده

مسجد وميخانه دن چونكي اليم چيخدي بوشا

گولدولر احواليما صددانه ده پيمانه ده

قالديم آواره ايكي يول آيريميندا نيله ئيم

استخاره ايله ديم يول وئرمه دي صددانه ده

سانماكي ايندي منم آواره سرگردان قالان

خلق اولانلار جمله سرگرداندي بو ويرانه ده

دونيادا عاقل دگيل تنها حقيقت آختاران

دوز يولون آردينجا سرگردان گزير ديوانه ده

قالدي آنجاقكي ئوكلرده حقيقت حسرتي

حققه جاهل سهليدير ال تاپمادي فرزانه ده

گلدي هاردان بير ايشيلتي گئديك استقبالينا

اود دوتوب دوندوق كوله من ده يازيق پروانه ده

اولمادي زولف ايچره آنجاق بيرمنيم كونلوم اسير

خرمن زولف ايچره سرگردان دولاندي شانه ده

نيله-مك سن ياناسان من يانماسام بيزيانماساق

كعبه ده دائيم قارانليقدا قالار بتخانه ده

يانماسين عاشق سخا  عشق آتشينده نيله سين؟

عشق ادودوندا قاولور بير حالداكي جانانه ده

 

تبريز/حميدسخامهر