ولی نصیری/ اوستاد "عاشیق مشی پاشایی" دونیاسین دگیشمک حاققیندا

 

 

قوجامان صنعتکار ائلین عاشیقی

گؤرسن هایاندا؟ هاردا قالیب دی؟!

قارانلیق گؤز اؤنون یئنه چولغاییب

ایشیقین یئرینی ظولمت آلیب دی

 

اؤلکه میزین قیشا دؤنر باهاری

آیری دوشوب کؤنلوموزون شن یاری

مئیلینی وئرسه ده. توپراقا ساری

آدی زیروَده دی،بس اوجالیب دی

 

 

"عاشیق مشی" سوروشماقدا هراینسان

یقین بیل کؤچ ائدیب بوگون دونیادان

اودور ماتم دوتوب "قاراداغ" "مغان"

بوتون ائل اوبانی درده سالیب دی

 

 

"نصیری" چکمه کده اَن اوجادان جار

اورتامیزدان گئدن اولو اوزان وار

"کوراوغلو" "کرم"  دن سؤز آچان ائلدار

بیر عؤمری شنلیگین سازین چالیب دی

 

 

تبریز/ ادبیات خادمی

"ولی نصیری"

ولي نصيري / نلسون ماندلا نيسگيلي !!!

 

دونيــــادا ان بؤيوك آزادليــق دئــــــین

"ماندلا " دؤنياسين دگيشدي حاييف

یازیق لار کؤمه-کی ، اینسانليق سئون

"ماندلا " دؤنياسين دگيشدي حاييف

 

غيـــرتي آتمائيب يئميين عـــــاري

بيرآن باش ايمه-ين ظاليمه ساري

تخت دن سالان ظلم ائدن حؤكموداري

"ماندلا " دؤنياسين دگيشدي حاييف

 

ايللر بؤيي دوستاق لاردا قؤيان جان

آزادليــــــقي اؤنودمايان هئــــچ زامان

آغ-قره ني  بيرلشـــديرن بيـــر انسان

"ماندلا " دؤنياسين دگيشدي حاييف

 

خزان باغدان چيچه گيمي آپاردي

باهــاريمي  ديله گيـــمي آپاردي

سانکی قيـــردي اؤرگيــــمي آپاردي

"ماندلا " دؤنياسين دگيشدي حاييف

 

اي "نصيري"  قلـم گؤتور  نيسگيل ياز

يارا دردين آرتيــــــق ،دئرين ، نه دايــاز

بوندان بئله قيشين سؤنو گؤلمه ز ياز

"ماندلا " دؤنياسين دگيشدي حاييف

 

تبريز / ولي نصيري

ولي نصيري/ بولود قاراگئييب آي هارا گئديب؟

(استاديحيي شيـــدا واستادعبــاس بارزين دونيــالارين دئيشمك حاقـقــيندا)

 

 

 

گونوم يامان باتيب  اولدوزوم كوسوب!

بولود قارا گئييب   آي هارا گئديب؟

باهاريم خزاندي ! پاييزيم قيشدي

گوره سن  ايستكلي ياي هارا گئديب؟

 

ساوالان-سهندين باشيندا نه وار

اينديجه گوءز يوموب  سانكي شهريار

كوءكسونو  داغلايير  دئيير بو ديار

دنيزله  اوكيانا   تاي هارا گئديب؟

 

يئنه غم  چولقاييب آذربايجاني

گئجه لر شعریندن سؤر "بارز" هانی ؟

"ساري كوءينك" دردين يازان شيداني!

" نصيري " ائللره ياي  هارا گئديب

 

تبريز/ ولي نصيري

اینسانی قویار سرگردان

نامرد چوءرگیندن بیر تیکه یئسن

باشینا چالینان منته دئیمز

وفاسی اولمازا ها خیدمت ائیله

یولوندا چکدیگین زحمته دئیمز

بزه ک لر وئره سن چول تیکانینا

اوجو دئیسه اگر بشر جانینا

بونی بیل کی یقین بویار قانینا

سن اونا وئردیگین زینته دئیمز

نا نجیب زاده ایله اولاسان هاماش

محبت ائده سن ساناسان قارداش

خصلتی دگیشمز قانماز او کول باش

اونا بس ائتدیگین حوءرمته دئیمز

" نصیری " سوءزونو  یادا سال هرآن

آنلاماز اینسانی قویار سرگردان

سحردن آخشاما دانیشسا نادان

بیر کلمه ثمرلی صحبته دئیمز

قاتا بیلمه رم ...

ازل گوندن بودور خصلتیم منیم

خلقیمه یالان سئوز ساتا بیلمه رم

ائلی کفسیز گورسه م قلبیم اوتلانار

نه گنجه  نه گوندوز یاتا بیلمه رم

ائلدن آیری دوشسم بئلیم بوکوله ر

قاش کیپریک آغارار  دیشلر توکوله ر

تملدن کونلومون ائوی سوکوله ر

بوشانلی ائلیمی آتا بیلمه رم

هرکیم خائین اولسا ائله حاق ایه ر

بیرمثل وار: اوخی تئز داشا دیه ر

طبعیم دریاکیمی جوشماسا ایه ر

یازسامدا مطلبه چاتا بیلمه رم

"نصیری " یه م دایاق اولسا ائل منه

باتانماز آجیقلی طوفان  سئل منه

هردیلدن شیریندی دوغما دیل منه

آیری دیل دیلیمه قاتا بیلمه رم

تبریز / ولی نصیری

ائوز توپراغیمدا ...

ائله دایانمیشام ائوز توپراغیمدا

تکان دا یمه ر م  یئل قاباغیندا

تیکانی یوردومدان قیریب تئوکه رم

بولبول آزاد ائوتر گئول قاباغیندا

دئسه لر گل قوراق شاعیره کلک

دویقوسون دوندوراق " باغرینی دله ک

قورخوم یوخ ایشیمی ایمه سه   فلک

گوجوم وار هر جوره فئل قاباغیندا

توکولسه وطنه یابانجی دوشمن

چکیلمز "نصیری" آرخائین اول سن

قالخیب جار چکه رم  ائللره تئز من

سئل ده دورا بیلمه ز    ائل قایاغیندا

تبریز/ولی نصیری

دئمه یوخدور دوزوموم

سنین هیجرینده گولوم   قلبیم اولوب یاره منیم

رحم قیل  قوی اولونا دردیمه بیر چاره منیم

سالما چوخ لیلی تک ائوز قیثینی آواره چئوله

راضی اولما کی دگه ال آیاغیم خاره منیم

اوت توتوب اوتلانارام ترکیمی قیلسام وطنیم

چکمه یاد ئولکیه جسمیم یانا بس ناره منیم

گل گیلن عاشیقینی ائتمه دیگرگین بوقدر

قوی بیلین سین کی اولوبدور مکانیم هاره منیم

دمه یوخدور دوزوموم  جور و جفایه  گوزلیم

بیلیرم تانری یازیب طالعیمی قاره منیم

قورخورام عمر " نصیری "  گئده بر باده آخیر

یئتمه میشدن الیم هئچ سن کیمی بیر یاره منیم

تبریز" ولی نصیری

یانان کیتابلار

     ظالیم باش آپاردین خیانت ائتدین

بیلمه دین بیر گونده وار سنه اولوم؟

الیندن گلنی خیانت ائتدین

دئدین کی قالاجاق کلگیم فئلیم

نه یامان قان تئوکدون  ائیلدین طغیان

انصافسیز  سانمادین یازیقدیر  اینسان

سئویله دین قئوی ائدیم بلالی طوفان

ائولکه نی داغیتسا داغیتسین یئلیم

نه قدر یالتاقی قاندیردین آنجاق

حقیقتی دانیب داندیردین آنجاق

مینلرجه کتابی یاندیردین آنجاق

یئنه ده تاریخدن سیلینمز دیلیم

قازت لر قاپیسین چکیب باغلادین

" نصیری " خلقینین قلبین داغلادین

شاهلیقین قورتاردی سنده آغلادین

اوندا گئوردوم شئنلیک ائدیر بو ائلیم

تبریز " ولی نصیری