مي دن اول چهره زيبا عرق افشان اولموش
يا سراسر گوز اولوب اوزينه حيران اولموش
 
بوگورن دايره ني هاله گمان ايتمه كه چرخ
آغزين آچوب مه شبگرديمه حيران اولموش
 
گوزدن ايراق كه سلطان جنون شوكتدن
هر دو گون باشيمه بير چتر سليمان اولموش
 
لب لعلين غميدن بس كه اودوبدورلار قان
خوبلارون داش اورگي كان بدخشان اولموش
 
تا گوروپدور نظرين وار اوخ ايلن اي قاشي ياي
گل اوزين جمع قيلوب غنچه پيكان اولموش
 
صاف ايدنده لب جانبخشيني دورانون الي
بير ايكي قطره داموب چشمه حيوان اولموش
 
رحم قيل صائيبه ساقي، مي ايلن دوت اليني
نيچه ايچسون قانيني بواورگي قان اولموش؟
 
صائب تبريزي