آراز افسانه سي ...
ياي فصلي بو قارداشلار قويون سورولريني، آت ايلخيلاريني، ديزي قارا، گوزي قارابوغالي ناخيرلاريني بو يايلاقلاردا ساخلارميش.
بوردا هامو بير قازانوب، هامو بير يئيه رمي ش. هارادا ائل اوستينه باسقين اولساايميش، او زمان بو ايگيد قارداشلار قلينج باغلايوب آت مينه ر، ياغيلاري اؤلكه دن قووارلارمي ش. بو قارداشلارين بويوگينين آدي داغ، اؤرتانجينين آدي ار، كيچيگينين آدي ايسه آراز ايميش.
آراز غضبله ننده دلي چاي كيمي آشوب داشارمي ش. دعوا ميدانيندا نعره چكنده بوغاز آتلار
قولون سالارميش، قولاقلارين پرده لري پارتلارمي ش. داغ نهنگ بير داغ كيمي دشمن اؤخلارينا سينه گره رمي ش. ار ايسه هاراي ووراندا داغلار- داشلار سسله نرميش، ووروش ميدانيندا ار كيمي دوگوشرميش.
بيرايل قيش سويوق كئچد ي.يامان اؤلدي،قار پوسكوردي، چوغون اؤلدي،بوران اؤلدي.
آخار سولار بوز باغلادي. داغلار- دره لر اوزلرينه آغ پرده لي اؤرتوك سالدي.
قاري دشمن آلتي دفعه آت اؤيناتدي، ميدان آچد ي. بو اوچ قارداش لاپ قاباقدا قيلينج
ووروب اؤخ آتديلا ر. ديري داغين سينه سينده باش كسيلدي، قان توكولد ي. يئنه دشمن مغلوب اولوب دالي- دالي گري قاچدي. قار اريدي، بوز يوخ اؤلدي. يئرين اوزي ياشيللاندي،غنچه گوللر گؤي شاليني باشلاريندان آلوب آتد ي. نانه، ريحان يال- ياماجا عطر ساچد ي.
مرد اوغوللار آت بئلينده قيرغي كيمي اوتوراراق، جديرلاردا آت چاپديلار، قيلينج ووروب،اؤخ آتديلا ر. قيز- گلينلر اوزلرينه بزه ك ووروب جلوه لند ي. ياقوت رنگلي دوداقلاردا تبسملر ظاهر اؤلدي. باخ، بو زمان بير ازدحام ديري داغدا دالغالاندي، بير طرفده آغ دوه لر مرواريله بزنميشد ي.
بيرطرفده كهر آتلار آياق دؤيوب كيشنه شيردي،
بير طرفده قي ز- گلينلر آ ل-ياشيلابورونموشدي.
بير طرفده اوزان الده قوپوز دوتوب سوز اؤينادي ر. قاباق ياندا آغ ساققاللاريئريييردي، آغي ر- آغي ر. بو دسته نين قاباغينج ا: آغ مرجاندان، كهربادان، مينجيقلاردان،سينه بندي پاريلدايان مخمر يهر دولت آتي گورونيردي. ايكي نفر زر جلوودان دوتوب آتي چكيرديلر. ياقوتلاردان نقش اولونموش، فيروزه دن قاش قويولموش، قبه لري آلماسلاردان ياراديلميش بير قيزيل تاج گورونيرد ي. سنبل نشان، آلما نشان، بوينوزلي قوچ، ساغمال اينك قيزيل تاجين اوزه رينه چكيلميشد ي. بو قيزيل تاج يوز ياشيندا دنيا گورموش، باش آغارتميش، سوزي دوغري، اوره گي پا ك بير آتانين، بير آنانين الينده ايدي. اونلار قاباقدا گئديرديلر.
آئل آخيشوب بو اوچ قارداشين قاپوسينا ييغيلد ي. آراز، اونين آرخاسينجا قارداشلاري ايله باش اگديلر، باغير باسديلار. آغ ساققاللارين اليندن اؤپديلر.
ائل آرازي اللرينده گؤيه قالديرد ي. آرازين ادينا آلقيش اوجالدي. قيزيل تاجي گتيره ن،
قوجا آتا،قوجا آنا آرازين لاپ يانينا گلديلر،بو خوشبختليك تاجيني اونين باشينا قويدولار.
آرازي دولت آتينا مينديرديل ر. هامو بير آغيزدان خير دعا سؤيله د ي. ائل باباسي آرازا
ياخين گلد ي. اونا چوخلي- چوخلي نصيحت ائتدي. ائل آچاريني، ائل گونشينين اوره گيني اونا تاپشيردي. سونرا اوزوني جماعته دوتوب اوجادان دئدي: ائل بيلسين، اوبا بيلسين كي، بو گوندن بئله آراز بيزيم قدر بيلن خانيميز، عدالتلي سلطانيميز اولاجاق.
آرازين خان تيكيلمه سي شرفينه بويوك قوناقليقلار وئريلدي.
ائللر خاني ايش باشينا ك ئچن گوني امر ائيله دي وزيرين ه: بويونلاردان كونده لري،
آياقلاردان زنجيرلري پارچالايوب آتماق گره ك. اول ال چاتمايان ، اؤخ باتمايان سرت قلعه لر تيكيلمه ل ي. مدرسه لر آچيلمالي، دردليلري دردسيز ائده ن، كونوللره الهام وئره ن ايگيدلرين شرفينه ديز قاتلايوب، باش سين ديروب داستان يازان شاعرلره، اوشاقلارا تعليم ائده ن عالملره، خسته لره شفا وئره ن طبيبلره حرمت اؤلسون، طاووس كيمي جلوه له نن قيز- گلينلر، سنبل بغلي، شمشاد بويلي گنج اوغلانلار، آزاد گزوب دولانسينلار.
آراز خانين امري يئرينه يئتيريلدي.
آيدان- آيا، ايلد ن- ايله، آراز خانين اؤلكه سينده يئني يوللار چكيريلدي، يئني ائولرتيكيريلدي، بارلي باغلار سالينيردي، بئش ايل كئچد ي. بو اؤلكه نين هر طرفي وار الينده ن آشدي- داشدي.
بير گون آراز، محاليني گزمگه چيخد ي. او، تك آتلاندي، دولت آتيني تك سوزديرد ي.
باشي قارلي داغلار آشدي، بؤل ميوه لي باغلار كئچد ي. آغي ر- آغير سورولري، خام
ساخلانميش ايلخيلاري، بولوت- بولوت ناخيرلاري كئچوب گئتدي.
هانسي كنده اوز دوندردي، اوج ا- اوجا قلعه لره، بويوك- بويوك شهرلره قدم باسدي، هامو گوله- گوله چيخوب اؤز خانيني قارشيلادي.
اج الينده ن جانا گلن، باشقاسيندان زيان چكه ن آداملارا راست گلمه دي. اوغورليقدان، يول كسنده ن بير سوز ائشيتمه دي.
خان اؤلكه ني چوخ شاد گؤردي، قلبي گولدي، اؤز ايشيندن راضي قالد ي. سرايينا گئتمه ك ايچون گري دؤندي.
اؤلكه ده بير خايين وارمي ش. ائل وجدانيني، ائل ناموسيني تاپدالارمي ش. سعادتدن،آزادليقدان، عزيز گوندن، خوش سلامدان، هر اويماقا تو ي- بايرامدان، داغا بيته ن لاله لردن، ياز بزه گي گو ل- چيچكدن، گوزه للردن، گؤيچكلردن، يول گوسترن، ادب وئره ن،گله جكي گورنلردن، ائل قدريني بيلنلردن اوزاق قاچان بير آدام ايمي ش. آراز خانين زرتاجيني اؤز باشينا قويماق ايچون گئجه- گوندوز دوشونرميش. بو اؤلكه يه نئچه دفعه دشمن گلميش، هاموسينا يول گوسترن، خبر وئره ن بو حيله گر خايين اولموش.
قوجالارا حرمت ائده ن، جوانلارا قيمت وئره ن عقل كاني، ائل داياغي، اؤلكه دردين، وطن دردين دائم چكه ن آراز خانين اؤلوسينه قرار وئرميش.
او، فرصتي فوت ائتمه يوب، ائل خانينين تك باشينا اؤز اؤلكه سيني، عزيز اولان وطنيني
گزمه ك ايچون گئتمه سيني ياغيلارا خبر وئردي.
ياغيلارا سؤيله دي كي، ائللر خاني، داغ آسلاني سرايينا قاييداندا، داغ آراسي او دار بندله بلورآخان، لپه ووروب گؤيه قالخان مرجان چاي ين اوزه ريندن طاق سالينميش خدافرين كورپوسيندن كئچه جكدي ر. لنگيمه يين، بجيد اولو ن. خدافرين كورپوسينين، ميس قايناقلي هورگوسينين هر طرفين حلقه له يين، ديري دوتين آراز خاني.
پارس آدلي بير نفر ياغيلارين باشچيسي ايد ي. اؤزگه لرين ماليني يئيه ن انسانلاري قول ائيله ين، يورد داغيدان، ائولر ييخان ياغيلارين بو باشچيسي امر ائله دي وزيرين ه: پهلوانلارسلاحلانسين، سواريلر آت اؤيناتسي ن. اؤن مين آدام جمع ائديلسين، آراز خانين سرايينا هجوم اؤلسو ن. مين نفرليك بير دسته ده خدافرين كورپوسيني هر طرفدن حلقه له سي ن.
ائللر خاني او آرا ز خان، گلوب اؤردان كئچه ن زمان، دوتوب منيم حضوريمه گتيرسينلر.
ديري داغين سينه سيند ه ائللر خاني آراز خانين ب ر- بزه گي، بلور رنگلي، زمردنشان،باغچاباغلي، ياشيل باغلي، گور سرايي تيكيلميشدي.
يازين سرين گئجه سي ايدي. مرجان چايي گؤزگي كيمي پاريلدايان قوجاغيندا، گوزل آيين گوموش رنگلي تئللريني چيمديريرد ي. عيسي- موسي قوشلارينين كسيك- كسيك نغمه لري هر طرفه ياييليرد ي. ديري داغين جنوبيندان اسن كولك، گتيرديگي گوزي ياشلي بولوتلارلا گوموش آيين گول اوزونه پرده چكد ي. يئر اوزونه گوز گورمه ين، اوغرولارا سيرداش اولان، ياغيلارا يول گوسترن بير قارانليق ساكن اؤلدو.
گئجه ياريسي خايين وايس ياغيلارا بلدچيليك ائد ه- ائده آراز خانين سرايينين كناريناگلوب چيخدي. ائل خاييني، اطرافينا شاملار يانان، زمرد نشان، آينا كيمي ايشيق ساچان، گورسرايي ياغيلارا نشان وئرد ي. دؤرد طرفدن هجوم اؤلد ي. شيپورلارين قورخونج سسي هرطرفه ياييليرد ي. بو هجومدان يئر ترپندي، گؤي قارالدي.قاراكولك اسن زمان شعله وئرن شاملار سؤند ي. اؤخلار ياغيش كيمي ياغدي.
ائولر ياندي كوله دؤند ي. قيلينج سسي هرطرفه ياييليردي، يارالي آت، قؤلسوز آدام اينيلتيسي قولاقلاري باتيريرد ي. قاري دشمن ائل سراييني تئز كئچيردي اؤز الينه.
ماديان آتلار بوغازلاندي، آغ دوه لر قطارلاندي، قيزيل، گوموش خورجونلار دؤلديريلدي،پارس ائلينه آپاريلدي. اوجا داغلار شوخ ترلانلار، ايگيد جانلار، آزاد گزن قيز- گلينلر، گول-چيچكلر اؤلكه سينده ماتم چؤكدي افقلره.
ايندي سيزه خدافرين كؤرپوسيندن خبر وئريم: مين گناهسيز كؤرپه لرين، اوزي نورلي مين قؤجانين، مينا گردن مين گوزه لين، اوجا بؤيلي، قارا گؤزلي، لاله اوزلي مين گلينين، تميز اوره ك، مين بير قيزين قانين ايچن، دارا چكن، دشمن اؤلان باشچي پارسين بير امريله مين دلاور خدافرين كؤرپوسيني حلقه لدي.
ائللرخاني اؤ عزيز خان، ائلين اؤغلي اؤ پهلوان، خدافرين كؤرپوسيندن آت اؤينادوب كئچن زمان، مين آدامين ششبر اؤخي دؤلي كيمي اوزه رينه ياغديريلدي.
نعره چكدي ائللر خاني، داغ سسلندي، داش سسلند ي. دومان چؤكدي يئر اوزونه، قوشلارقاناد سالوب كئچد ي. قيزيل قيلينج چيخدي قيندان، گؤي اوزونده برق ويرد ي. جئيران يئريش دولت آتا مهميز ووردي، ائللرخاني آت سچرايوب ايلديريم تك دوشدي دشمن اؤرتاسينا، دولت آتي حري ص- حريص كيشنه يه رك لاپ اوره كدن دا غ- دره يه صدا سالدي.
اؤنين سسي بئلينده كي پهلوانا قووت وئرد ي. ائللرخاني شوقه گلدي. ساغ ا- سؤلا قيلينج ويردي. چؤخ پهلوان كلله سيني قانقال كيمي بيچوب تؤكدي. مين دلاور دسته- دسته قيلينج ووروب اؤخ آتديلا ر. يئنه آراز ائللرخاني محكم دوردي آت اوستينده. مين بير قيلينج، مين بير اؤخون ضربه سيندن دولت آتي قان ايچينه غرق اؤلموشد ي. كمندچي لر آرخا ياندان كمند آتوب آراز خانا، اؤني چكوب آت بئليندن تئز ييخديلار قوري يئره، قؤللاريني باغلاديلار. آياق يالين، پاي- پيادا آرازخاني، ظاليم پارسين حضورينه گتيرديلر. پارس، آرازاياخين گلوب سؤيله دي كي، اي دلاو ر! اگر دئسه ن داغين يئرين، بيل كي سنه اؤلوم يوخدور.
ائللرخاني ديله گلد ي: اي ائللري دؤستاق ائدن، قوجالارا ظلم ائيله ين، جوانلارا زندان كسن،آنالارين جگرينه، اؤ مقدس اوره گينه چارپاز- چارپاز داغلار چكن آزغين ياغي! ايگد اؤلان،مرد اوغوللار اؤلوميندن قؤرخماميشدير.
پارس بو سوزدن غضبلندي، امر ائله دي جلادلا را: باشين كسين با آسلانين، بدنينده مرجان چايين دوري آخان گور سويونا آتين آخا- آخا گئتسين!
آخشام چاغي داغ دوشيندن، قؤلي باغلي ائل خانيني قيلينجلي بير ظالم جلاد، بير نئچه ده دشمن اهلي مرجان چايا انديريرد ي. بوني گؤرجك سينه لره داغ چكيلدي، جگرلرده لكه قالدي.
گؤي كيشنه دي، آجيغيندان دا غ- دره يه نعره سالدي. قارانليق دا چيچكلرين اوزه رينه پرده چكدي. نازلي گونش داغ داليندا گيزله نه رك قان آغلادي، قان گوروندي.
كول ديبينده تر گؤيرميش بؤيني بوكوك بنفشه لر، باغ قؤينوندان، داغ دؤشيندن، عطري گلن گو ل- چيچكلر، داش ديبيندن ظاهر اؤلان آينا سولي سرچشمه لر قان آغلادي، قان گوروندي.
مرجان چايين كناريندان توراج، كهليك اوچوب گئتدي اوزاقلار ا. بير ماتمه بورونموشدي ياشيل باغلار، گور مئشه لر. يئنه دشمن ال چكمه دي ائللر خاني خان آرازدان.
ائل خانيني ياوا ش- ياواش مرجان چايين كنارينا گتيرديلر. بير سيلديريم قاياليغين اوزه رينه چيخارديلار، اؤلوم اؤني حقله ميشد ي. بوني آراز ياخشي بيلي ر. اونا گوره وطنيله وداعلاشماق ايسته ييردي. گوز گزديريردي گنيش داغلارا، خيالي اوچدي اوزاقلارا، گئدوب چيخدي كپز داغا، اوردان قاناد چالوب كئچدي آغ اؤرتوكلي شاه داغينا، شاه داغيله سلاملاشدي. بيردن- بيره يادا دوشد ي: قيرقاووللار، چيل تؤراجلار، آغ جئيرانلار يوردي اؤلان موغان دوزي، قاناد چالدي، اؤ يئرلره، شاعرلرين، عالملرين، نقاشلارين، سراي تيكن معمارلارين عزيز يوردي تبريزه ده سفر ائتدي.
وطنينين هر يئريني خياليله گزد ي. لاپ آخيردا قارداشلار ي: داغي، اري خاطيرلاد ي. شيرين- شيرين اؤپوشمه ميش نشانليسي ائل گوزه لي خياليندان سوزدي كئچدي.
ياز گونينه غمزه ساتان، آ ي- اولدوزا گوز- قاش آتان ائل گوزلي، ائللر قيزي، سرايدا كي ووروشمالار اؤلان گئجه قاچوب گلوب گوللي داغدا گيزلنميشدي.
ائل چيچگي آخشام اوستي گوللي داغدان مرجان چايا مايل- مايل باخان زمان، بيرده گؤردي نشانليسي آراز خاني قؤلي باغلي بير سيلديريم قاياليغين اوزه رينه چيخارتميشلا ر.
ائل گوزلي يقين ائتد ي: دشمن اؤني اؤلدوره جك، ناحق يئره قان توكه ج ك. جان آتدي كي داغدان انوب گلسين، آرازايله وداعلاشسين، بيرد ن- بيره دوشوندي كي ياغي اؤني اسيرائدر، ناموسيني تاپدالايار. اؤ، آرازين ناموسيني آرازدان دا اوستون دوتموش، اؤنا گوره داغ دوشينده اووچي وورموش، قلب ائويندن يارالانميش، بؤيني بوكوك بير مارال تك،آرازخانين ي اغيلارين قارشيسيندا دورماسيني دردلي- دردلي سير ائديردي.
اؤنون كؤنول گؤيرچيني پرواز ائدوب قاناد چالدي، اوچدي- اوچدي، گلوب قؤندي آراز خانين سينه سينه.
اؤنين لاچين گؤزلريندن،درتوكولن دوداغيندان اؤپد ي- اؤپدي، هئچ دؤيماد ي!
يئنه اوره ك تاب دوتمادي، كؤنول اونا امر ائيله دي: داغ سوناسي، ائل گوزلي آچدي ظريف دوداغيني، ديله گلدي: آند وئريرم سحر- سحر باش قالديران ساري تئللي زر گونشه، آند وئريرم گؤي اوزونين مرواريسي اولدوزلارا! تؤخونمايين آرازيما، تؤخونمايين ائل اؤغلون ا! ظالم جلا د! نشانلييام، آراز منيم آداخليمدير، تؤخونمايين اؤ مقدس سئوگيليمه. بيز سئويشديك، گوروشمه ديك. زمان بيزه يؤل وئرمه دي تؤي ائيله يوب گردك قورا ق. قؤلين سينسين ظالم جلاد! اوجا بؤيلي آرازيماال وورما سن!...
ائللر قيزي اوزاقدايدي، جلاد اؤني ائشيتمه دي.
قؤلي باغلي ائللرخاني قاياليغين كلله سينده، مرجان چايين ساحلينده سار اوولاميش شاهين كيمي، قييا باخان قارتال كيمي گورونيرد ي. قانسيز جلاد بيردن- بيره قيلينج چكدي، آراز خانين بؤينون وورد ي. اؤ مغرور باش گول بدندن آيريلاراق يئره دوشد ي. ائل خانينين زرپالتاري آق قان ايله چيل- چيل اؤلدي. ائله بيل كي، آغ ايپكده داغ لاله سي سريلميشدي.
امره گوره آراز خانين بدنيني داشغين سئله توللاديلا ر. مرجان چايي اؤز خانيني آلدي بلورقوجاقينا. اؤنين تميز دوري سويي قان آغلادي، قان گوروندي.
طوفان اؤلدي، ياغيش ياغدي، قارانليق دا عزراييل تك چؤكدي يئرين سينه سينه، هاموياتدي، هامي سوسد ي. دردلي اوره ك، غملي كؤنول كيپريك بيله چالمادي، صبحه كيمي ياتمادي.
سحر- سحر دان يئرينه صدا دوشدي، گؤي دورولد ي. صبا يئلي خير آتيني مينوب چاپ ا-چاپا گلدي، قارانليقي قوودي داغدان، دره لرد ن. آغ بوخاقلي، زر گئييملي بير غمزه لي پري كيمي گونش قالخدي يوخوسيندا ن. كول ديبينده ن بلبل اوچوب قؤندي گولين بوداغينا،ايسته دي كي، وجده گلوب قيزيل گوله نغمه دئسي ن. اؤ دقيقه آراز خانين اؤلوميني خاطيرلادي. عشقي سوندي، نطقي باتدي، كدرلندي شيدا بلبل.
گوللي داغين چيچگيله گيزله ديلميش ائل گوزلي، ياوا ش- ياواش گؤزين آچوب اطرافينا نظر سالدي. بيرده گؤردي: ساغ طرفده آل لاله نين سينه سينه داغ چكيلميش، بنفشه ده سؤل طرفده بؤينين اگمي ش. ائللر قيزي سؤيله دي كي، اي داغلارا زينت وئره ن، شاعرلره لذت وئره ن تر چيچكلر! نه اؤلموشدور دردليسينيز؟ شوخ چيچكلر غملي- غملي ائل قيزينا دئديلر كي، اي ائل قي زي، ائل چيچگي! بو داغلارين، بو دوزلرين، مئشه لرين، بوتون ائلين، بيزده سنين دردلرينه شريك اؤلدو ق. ائللرخاني آرازخانين اؤلومينه ياس دوتميشي ق.
ائل چيچگي گول صباحدان، سوسنلردن، سنبللردن دست ه- دسته گول باغلايوب، نشانليسي خان آرازين گول بدنين چيچكلرله بزه مگه قد م قؤيدي، مرجان چايين ساحلينه گلوب چيخدي.
چؤخ آختاردي، چؤخ دؤلاندي، آرازخاندان بير نشانه گورونمه د ي.
اوزون دوتدي مرجان چاي ا: سن دئمه سن آرازيمين يئريني، سني گوروم قان آخاسان، اي تميز س و!
مرجان چايي ديله گلد ي: آراز خانين گول بدني منيم داشغين قوجاغيمدا ايللر ب ؤيي
ياتاجاقدير. خان آرازين آل قانيله منيم دوري آخان سويوم قان آغلادي، قان گوروندي.
داغلار، دره لر و بوتون خلق مرجان چايينين بو سوزلريني ائشيتد ي.
هامو بير آغيزدان بئله اؤخودي:
آراز، آراز، خان آراز
سلطان آراز، خان آراز
سن ائيله دين بو چايين
دوري سويين قان، آراز
اؤ وقتدن مرجان چايين آدي آراز قالدي.
پس ائل گوزلي نئجه اولدي ؟ بو داغ چيچگينه، آرازسيز ياشاماق چؤخ چتين ايدي. اؤ، قرارا گلدي كي، اؤزيني مرجان چايا آتوب آرازلا گؤروشسين.
ائل گوزلي بو فكرل ه((آراز اؤلديريلن)) يئره اوز قؤيدي.
همين قاياليغين يانينا چاتميش دي كي، گوردي وايس، آراز خانين قيزيل تاجيني باشينا قؤيموش، بير نئچه ياغي ايله قيرخ يئريندن يارا آلميش پولاد قؤللي، دمير بدن داغي اسير دوتوب گتيريرلر.
ائل چيچگي اؤني گؤيده آختاريردي. اودوركي فرصتي فوت ائتمه يوب تك قالان بير اؤخوني
كمانا قؤيد ي. وايسين اوره گي نين باشيني نشان آلدي. كمانين آياغيني چكدي. اؤخ گئدوب دوز وايسين اوره گينين باشينا سانجيلد ي. وايس آت بئليندن يئره دوشدي. دشمنلر بوني گوره ركن ائل قيزيني دوتماق ايچون آت چاپديلا ر. ائل قيزي تله سيك ائللر خاني اؤلديريلن قايانين اوستينه چيخد ي. اوزيني كوكره يوب آخان مرجان چايا دوتارا ق: اي كؤپوكلي مرجان چا ي! مني ده آرازيمين قانيله بؤيانان ياقوت رنگلي قوجاغينا آل، دئيوب اؤزيني سويا آتدي.
زر- زيبادان گئيينميش، جواهردن نقش اؤلونموش ائل گوزلي، بير اولدوز پارچاسي كيمي سوزه رك مرجان چايين كوكره يوب آخان كؤپوكلي دالغالار ينين قؤينونا دوشدي.
ياغيلارچايين ساحلينه چاتاندا سويين اوزه رينه بير نئچه چيچك دسته سينين اخديغيني گورديل ر.
سونرا دشمن آتليلاري گري دؤنوب پلنگ داغي، قؤلي باغلي باشچي پارسين حضورينا
گتيرديلر. پارس امر ائتدي: گرك داغين سينه سينه يئددي چارپاز داغ چكيلسين. قارا ايلان دريسيندن قارا پالتار گئيديريلسين، چؤخ دوگولسين، چؤخ ازيلسين، قارا قولا دونده ريلسين، گوللي داغين كلله سينده زنجيرله نوب ساخلانيلسين.
پارسين امري يئرينه يئتيريلدي.
دوگولمكدن داغين بدني قا پ- قارا قارالميشدي. اؤنا قارا ايلان دريسيندن بير دست پالتارگئيديرميشديلر. خلق اؤني بو حالدا گوروب قاراداغ دييه سسله د ي.
گوللي داغين دا آديني اونين آديله چاغيرديلار. قؤجا آتالار، قؤجا آنالار، هامو بير آغيزدان بئله بير باياتي دئديلر:
من عاشقم قارا داغ
قان آغلايير قارا داغ
داغ ايگيدين سينه سينه
دشمن چكوب قاراداغ
اؤ گوندن بو داغين آدينا قاراداغ دئديلر.
ایندی سيزه اوچونجي قارداش، ار دن خبر وئريم.
گوللي داغدان قووت آلميش، آينا سولي قايناقلارين سري ن- سرين سويين ايچميش، مين قؤيونين، مين قوزونين، مين توغلونين، مين اوچ ايلليك قارا ديشين، اتين يئميش، سودين ايچميش، مين قيزيل ب وز، مين قمرين، مين گؤي دمير، مين دايلاغين، ايلخيلارين كئشيكچيسي، مين آيغيرين كوك بئلينه يهر باسوب اليكلري، جئيرانلاري اوولاماغا هر گون گئدن ديزي قارا، گؤزي قارا مين بؤغانين، شئشه بوينوز مين جونگه نين، آلتي ياشار مين اوكوزين امگيله يئر شوملاميش، توخوم اكميش ار اؤغلي ار، محاربه گئدن گئجه دشمنلردن مين پهلوان قيروب تؤكدي، ميني ني ده يارالاد ي.
سونرا اوزي سيوري اوجلي مي ن- بير اؤخدان، مين قيلينجين ضربه سيندن، چؤخ يئريندن يارا آلد ي. بدنيندن قان چؤخ گئتد ي.
قول بوشالوب، گوز قارالد ي. اوره ك دوام گتيرمه د ي. او نر بدن آت بئليندن آشوب
دوشدي تورپاق اوست ه. قيلينج سسي آرا ويردي، بولوتلار دا ياوا ش- ياواش گؤي اوزوندن چكيليردي.
گونين نازلي نشانليسي غمزه لي آي، قارا بولوت گردگينين آرخاسيندان گوز سوزديروب باخدي يئرين سينه سينه، بيردن- بيره لاله رنگلي قان سئلينده غرق اولونان بيهوش اولموش اري گورد ي.
الين آتوب ساچين يولدي، اوزون جيرد ي. قان توكولدي آل ياناقدان، گول اوزونده لكه قالد ي.
گونش قالخوب نشانليسي آيين اوزون قارا گورد ي. غضبله نوب سوال ائتدي: اي سئوگيليم، ايلك نشانليم، نازلي پري، سويله گوروم، هانسي غريب گول اوزوندن اؤپوب سني دي شله ميشدير؟ من كي سني چيچكلردن، گؤي باغلاردان، مئشه لردن، سيلديريملي قايالاردان، درين- درين دريالاردان قيسقانميشا م. گوندوزلري سير ائتمه گه قويماميشام، آنجا ق- آنجاق گئجه وقتي كائناتي دولانماغا يول وئرميشم.
آي گونشه جواب وئرد ي: غريب مني گوره بيلمز، من صادقم سئوگيليمه. سنين ار اوغلي ار قان سئلينده بوغولاركن گورديم اوني، اوندا يولديم ساچلاريمي، اوندا جيرديم گول اوزومي.
بو كدرلي، پيس خبري ائشيدركن سولدي گونش، سح ر- سحر افقلرده قان آغلادي، قان گوروندي.
ايكي نفر قوجا آتا، ايكي نفر قوجا آنا، اري اورادان گوتوره رك م رجان چايين شماليندا بولوتلارين هر گون نملي دوداغيني تئ ز- تئز اؤپن تونج داغينا گتيرديل ر. يارالارين ساريديلار. قيرخ گون كئچدي، ار آييلدي، يارالاري ياخشي اولدي. هر طرفدن ائل آخيشوب گلدي ارين دسته سينه. ار اوغلي ار خلق گوجيندن قووت آلدي، ياغيلارلا ووروشمالار اوزون ايللر دوام ائتد ي. ار اوستينه پارس نسليندن نئچه شاهلار، نئچه لوپا بيغلي خانلار باسقين ائتدي، مغلوب اولوب دسته سيله غملي- غملي گري دوندي.
ار آخيردا دشمنينه غالب گلدي. خوشبخت، آزاد اؤلكه قوردي. بويوك دولت و شهرته مالك اولدي. تونج داغينين سينه سينده آزادل يغي، سعادتي اله آلميش خلقين عزيز بايراميني كئچيردي. بو بايراما زر گونشي دعوت ائتد ي. زهره اولدوز ساغ طرفده، غمزه لي آي سول طرفده، اولدوزلاردا آرخا ياندا، نورلي گونش لاپ قاباقدا دوز گلديلر تونج داغينا.
گونشله ار بو مجلسين لاپ باشيندا اوتورديلار، اولدوزلاردا تونج داغينين سينه سينه سپه لندي، بو يئرلرين هر طرفي چهلچراغا دونده ريلدي.
تر ساخلانميش قي ز- گلينلر، انلي كوره ك گنج اوغلانلار، آغ ساققاللار، آغ بيرچكلر هامو گولدي بير اغيزدان، نغمه دئدي بير دوداقدا ن. ايشيغينين ياريسيني گونش وئردي دوستي اره. ارده ياندي گونش كيمي، ايشيق ساچدي هر طرفه. خلق سويله دي بير آغيزدان، بيزيم ياخين دوستيميز ار، گونشدير، ار، گون ش. او وقتدن تونج داغينين آدينادا ارگونش دئديلر.
ايندي يئنه ارگونشين هر طرفي ايشيق ساچير، چونكي اونين زحمت آدلي يولداشي وار.
اما بيرده اوز قارداشي قاراداغا باخان زمان اوزون- اوزون كدرله نير.
تاريخ بئله سويله يير كي، سعادتله قلبي دوگونن آزادليغا تئز قووشار. بير گون گلر قاراداغدا اوز قارداشي ارگونشله قوجاقلاشوب اؤپوشه ج ك. بير گون اودا وطنيني ياشاداجاق،
ياشاداجاق.
((ستار آخوندوف))
بیرعده سئوه ر جهاندا سئیر چمنی